Azərbaycan Respublikasının Gənclər Fondunun maliyyə, Sumqayıt şəhər Gənclər və İdman Baş İdarəsinin və Gənclər Evinin təşkilati dəstəyi ilə "Mənəvi Dəyərlərə bağlı Gənclik” layihəsi çərçivəsində elan edilmiş vido-sujet müsabiqəsinin növbəti son mərhələsi keçirilmişdir.
Layihə rəhbəri Tunar Əhmədzadə çıxışında ilk öncə şəhər Gənclər və İdman Baş İdarəsinə yaradılan şəraitə görə minnətdarlığını bildirmiş, layihənin Gənclər Fondunun XI qrant müsabiqəsində qalib olduğunu və məqsədin gənclər arasında ictimai məsuliyyət hissinin, mədəni davranış qaydalarının, vətəndaşlararası mədəni dialoqun təbliği, yaradıcı senarilərin üzə çıxarılması və dəstəklənməsi olduğunu qeyd etmişdir. Bildirildi ki, müsabiqənin II mərhələsi çərçivəsində əvvəlcədən verilmiş elana əsasən qeydə alınmış beş senaridən üçü ekspertlər tərəfindən çəkilişə uyğun hesab edilmişdir.
Layihənin eksperti Teymur Aslanlı və Sumqayıt "Asan Xidmət” Mərkəzinin nümayəndəsi Rza Mirzəzadə çıxışlarında layihənin gənclərin ictimai məsuliyyətinin inkişafına, rejisorluq sahəsində bacarıqlarının nümayiş etdirmələrinə, milli-mənəvi dəyərlərimizin qorunub saxlanılmasına və təbliğinə müsabət təsir edəcəyini vurğulamışlar.
Daha sonra video-sujetlərə baxış keçirilmiş və maraqlı müzakirələr təşkil edilmişdir.
Sonda iştirakçılara sertifikatlar təqdim olunmuşdur.
Xəbərdən istifadə edərkən istinad etmək vacibdir.
