Fövqəladə Hallar Nazirliyinin Sumqayıt Regional Mərkəzi tərəfindən "Avromed Company” QSC-nin Sumqayıt filialında "Fövqəladə hallarla bağlı davranış və yanğın təhlükəsizliyi qaydaları” mövzusunda seminar-müşavirə keçirilib.
Tədbir müəssisədə çalışan əməkdaşların fövqəladə hallarla bağlı davranış qaydaları və mülki müdafiə sahəsində biliklərinin artırılması, baş verə biləcək yanğın və ya partlayış hadisələrinin qarşısının alınması məqsədilə profilaktik tədbirlərin görülməsi məqsədilə keçirilib.
Seminar-müşavirədə Sumqayıt Regional Mərkəzinin, Sumqayıt Regional Dövlət Yanğın Nəzarəti İdarəsinin, "Avromed Company” QSC-nin Sumqayıt filialının əməkdaşları iştirak edib.
Bu çərçivədə "Fövqəladə halların təsnifatı”, "Zəlzələ zamanı necə davranmalı?”, "Sel və daşqın zamanı nə etməli?”, "Məişətdə yanğın zamanı davranış qaydaları”, "Odsöndürən balonlardan istifadə”, "Çimərliklərdə təhlükəsizlik qaydaları”, "Dəm qazı” və "112 qaynar xətti” mövzularında çıxışlar edilib və mövzulara aid videoçarxlar nümayiş olunub.
Sonda mövzulara dair suallar cavablandırılıb, maarifləndirmə xarakterli təbliğat materialları, yaddaş kitabçaları və bukletlər paylanılıb.
Xəbərdən istifadə edərkən istinad etmək vacibdir.