Xeberle.com həmin hesabatı təqdim edir:

Cari hesabat dövründə ümumilikdə 53 nəfərhüquqi və psixoloji yardım üçün Mərkəzə müraciət edib. Xidmətlərdən yararlanmaq üçün müraciət edən 53 nəfərdən 42 nəfərə yalnız hüquqi xidmət, 11 nəfərə yalnız psixoloji xidmət göstərilib. Həmçininmüraciət edən şəxslərdən 7 nəfərin qohumlarına ( övladlarına və valideyinlərinə), müraciət edən şəxslərin övladı olan 6 uşağa da psixioloji xidmət göstərilib. Ümumilikdə isə hüquqi və psixoloji xidmət üçün olunan müraciətlərin məzmunu və problemlər bunlardır.

1. Maliyyə məsələləri – 7 müraciət.

2. Əmlak – Mülkiyyət hüququ – 6 müraciət.

3. Boşanma (Nigahın ləğvi) – 5 müraciət

4. Himayəçilik məsələləri - 6 müraciət.

5. Əmək hüququ – 2 müraciət.

6. Pensiya hüququ – 4 müraciət.

7. Alimet məsələləri – 8 müraciət.

8. Məişət zorakılığı – 5 müraciət.

9. Digər sosial problemlər – 7 müraciət.

10. Cinayət işi üzrə - 1 müraciət

11. İnzibati xətalara dair işlər üzrə - 1 müraciət.

12. Seksual zorakılığ üzrə - 1 müraciət.

Xidmətlərdən yararlanmaq üçün müraciət edənlərin cinsi üzrə sayı:

- 31 nəfər qadın;

- 22 nəfər kişi.

Hüquqi xidmət üçün müraciət edənlərin hər birinə keyfiyyətli şifahi hüquqi məsləhətlər verilərək, müraciət edənlərdən 16 nəfərin işi üzrə ərizə, şikayət və müraciətlərin hazırlanmasında və göndərilməsində köməklik göstərilib. Hüquqi xidmət göstərilən şəxslərdən 6 nəfərin işi məhkəmə instansiyalarında olduğu üçün nəzarətə götürülüb. Bu müraciətlər üzrə məhkəmə proseslərinin gedişatı izlənilərək, vəsatətlər və ərizələrin hazırlanmasında da köməklik göstərilib.

Müraciət edən şəxslərə davamlı və keyfiyyətli psixoloji xidmətin göstərilməsi təmin edilib. Ötən hesabat dövründə olduğu kimi bu hesabat dövründə də Mərkəzə müxtəlif regionlardan da müraciətlər daxil olub. Mərkəzə digər regionlardan daxil olan müraciətlərin statistikası aşağıdakı kimidir;

- Bakı şəhəri – 4 müraciət;

- Xızı rayonu – 1 müraciət;

- Xaçmaz şəhəri – 1 müraciət;

- Quba rayonu – 3 müraciət;

- Abşeron rayonu - 6 müraciət;

- Mingəçevir rayonu -1 müraciət;

- Şabran rayonu – 1 müraciət;

- Qusar rayonu – 1 müraciət.

Müraciət edənlərdən 5 nəfər məişət zorakılığının 1 nəfər isə seksual sorakılığın qurbanı aşkar edilərək, bu şəxslərin hər birinə keyfiyyətli və davamlı xidmətlər göstərilib. Məişət zorakılığının qurbanı olmuş şəxslərə psixoloji xidmətin göstərilməsi zamanı hüquqi xidmətdən istfadə barədə də tövsiyyələr verilib. Əvvəlki hesabat dövründə Mərkəzə müraciət etmiş məişət zorakılığı, seksual zorakılığın qurbanaları ilə iş davam etdirilib.

Əvvəlki hesabat dövründə benefesiarların işi üzrə göndərilmiş müraciətlərə verilən cavablara uyğun olaraq xidmətlər də davam etdirilib. Həmçinin 1 nəfərin işi üzrə övladlarına doğum haqqında şəhadətnamənin verilməsi üçün Qeydiyyat şöbəsinə, 1 nəfərin sosial problemlərinin həllində köməklik üçün H.Əliyev adına Fonda,2 nəfərin pozulmuş pensiya hüquqlarının müdafiəsi və bərpası üçün müvafiq Sosial Müdafiə Fondlarına , Əmək hüquqlarının pozuntularının aradan qaldırılmasının təmin edilməsi və problemin həll edilməsi üçün 2 nəfər müraciət edən şəxsin adından ərazi üzrə Əmək Müffətlişliyinə, Aliment hüququnun təmin edilməsi məqsədi ilə 2 nəfərin işi üzrə İcra Baş İdarəsinə,Məişət zorakılığının qurbanı olmuş 1 qadına və onun övladına mühafizə orderinin verilməsinin təmin edilməsi üçün İcra Hakimiyyətlərinə müraciətlər olunub. 2 nəfər benefesiara ünvanlı sosial yardımın təyin edilməsinə nail olunub. Əvvəlki hesabat dövründə göstərilmiş xidmətlərin nəticəsi olaraq 2 nəfərin işi üzrə aliemntin miqdarının artırılmasına dair məhkəmə qətnamələrinin qəbuluna, Əvvəlki hesabat dövründən 3 nəfərin işi üzrə əmək hüquqlarının pozuntusu (ödənilməyən əmək haqqının ödənilməsi) aradan qaldırılmasına, hesabat dövründə bir nəfərin valideyinlik hüquqlarının həyata keçirilməsi (övladları ilə ünsiyyətdə olmaq) təmin edilməsinə, bir nəfərin işi üzrə əmək stajının yenidən hesablanması və pensiya məbləğinin artırılması, boşanmaq ərəfəsində olan və boşanmaq üçün məhkəmədə iddia qaldırmış 2 ailənin barışmasına və birləşməsinə köməklik göstərilib. Cari hesabat dövründə Sumqayıt şəhər İcra Hakimiyyəti və Ailə, Qadın və Uşaq Problemləri üzrə Dövlət Komitəsi tərəfindən Mərkəzin xidmnətlərindən yararlanması üçün benefesiarlar yönəldilib. İcra Hakimiyyəti tərəfindən Mərkəzə yönəldilmiş 4 nəfər benefesiar, Ailə, Qadın və Uşaq Problemləri üzrə Dövlət Komitəsi tərəfindən Mərkəzə yönəldilmiş 3 nəfər benefesiara keyfiyyətli xidmətlər göstərilib.