Sumqayıt şəhər Gənclər və İdman Baş İdarəsinin təşkilatçılığı ilə
könüllülük fəaliyyətinə yeni qoşulan, həmçinin bu fəaliyyətdə iştirak edən müxtəlif
sahələri təmsil edən könüllü gənclərlə görüş keçirilmişdir. Görüşdə çıxış edən
Baş İdarənin rəisi Elgün Hümbətov bildirdi ki, Sumqayıt şəhərində könüllülük fəlsəfəsinin
inkişafı gənclər siyasətinin mühüm istiqamətlərindən biri kimi qəbul edilir və "Azərbaycan Gəncliyi
2017-2021-ci illərdə” Dövlət Proqramının müvafiq bəndlərinin icrası məqsədilə mütəmadi olaraq gənclərin ictimai fəallığının
artırılması və könüllülük fəaliyyətinə cəlb olunması sahəsində ardıcıl işlər həyata keçirilir. Qeyd edildi ki, gənclərin könüllülük fəaliyyətinə cəlb olunması
onların məşğulluğunun təmin edilməsi, şəxsi inkişafına şəraitin yaradılması,
sosial fəaliyyətlərinin artırılması, bilik və bacarıqlarının üzə çıxarılması,
asudə vaxtlarının səmərəli təşkili baxımından mühüm əhəmiyyətə malikdir və cari
ilin əvvəlindən başlayaraq həyata keçirilən "Könüllü ol”, "Ağacəkmə”, "Nəqliyyat
Könüllüləri” devizi altında maarifləndirici aksiyalar şəhərimizin 70 illik
yubileyinə də öz töhfəsini verməkdədir.
Sonra könüllülərin təklifləri dinlənildi, onları maraqlandıran
suallar cavablandırıldı və tövsiyələr bildirildi.
Xəbərdən istifadə edərkən istinad etmək vacibdir.