Sumqayıt Dövlət Yanğından Mühafizə Xidməti Sumqayıt Dövlət Dram Teatrında yanğın-taktiki təlim keçirib.
Xeberle.com-un məlumatına görə, Sumqayıt şəhər Dövlət Yanğından Mühafizə qarnizonunun 6 ədəd yanğın avtomobili və 50 nəfər canlı qüvvəsinin iştirak etdiyi təlmdə mədəni tamaşa müəssisəsində baş vermiş şərti yanğın söndürülüb. Təlimin məqsədi orta və böyük rəis heyətinin mədəni - tamaşa müəssisələrində və əhalinin kütləvi toplaşdığı yerlərdə yanğınların söndürülməsi üzrə təcrübəsini təkmilləşdirilmək və təlimdə iştirak edəcək vəzifəli şəxslərin bilik və bacarıq qabiliyyətini yoxlamaq, yüksəltmək olub.
2 nömrəli çağırışla həyata keçirilmiş təlimdə şərti yanğın haqqında məlumat daxil olan kimi, Sumqayıt Dövlət Dram Teatrının əməliyyat-taktiki xarakteristikası, su təhcizatı və rabitə sisteminə uyğun olaraq döyüş tapşırıqları icra olunub.
Sonda təlim yekunlaşdırılaraq əməkdaşların yanğının inkişafı və söndürülməsi zamanı fəaliyyəti müzakirə olunub, şəxsi heyətin yanğın şəraitini düzgün qiymətləndirmək, onun nəticələrini qabaqcadan görmək, yanğında döyüş hərəkətlərinin həlledici istiqamətini düzgün təyin etmək bacarıqları qiymətləndirilib.
Xəbərdən istifadə edərkən istinad etmək vacibdir.
