Xeberle.comxəbər verir ki, rayon icra hakimiyyəti və YAP-ın Qubadlı rayon təşkilatının birgə təşkilatçılığı ilə keçirilən tədbirdə rayon İcra Hakimiyyətinin başçısı Malik İsaqov, icra hakimiyyətinin məsul işçiləri, hüquq mühafizə orqanları, idarə, müəssisə və təşkilat rəhbərləri, ictimaiyyət nümayəndələri iştirak ediblər.

Öncə tədbir iştirakçıları yaşayış massivində ağacəkmə kampaniyası çərçivəsində 1000 ədəd ağac əkiblər. Sonra tədbir Qubadlı şəhər 1 saylı körpələr evi-uşaq bağçasında davam etdirilib

İcra başçısı Malik İsaqov çıxış edərək Heydər Əliyevin ölkəni sürətli inkişaf yoluna çıxarmaqla güclü elmi, iqtisadi və mənəvi potensial yarada bilməsindən, xalqın qəlbində, arzu və istəklərində, yüz illərlə yaşayan azadlıq və müstəqillik ideyalarının həyati tələbat kimi formalaşmasına zəmin yaratmasından danışıb.

Bildirilib ki, xalqın tələbi ilə müstəqil Azərbaycan Respublikasına rəhbərliyi qəbul edən Ulu Öndərin o ağır illərdəki fəaliyyətinin xronikasını nəzərdən keçirən hər kəs onun sarsılmaz siyasi iradəsinə, idarəçilik məharətinə, müdrik qərarlar qəbul etmək səriştəsinə heyran qalmaya bilmir. Azərbaycanın müstəqil dövlətçiliyinə qənim kəsilən xarici və daxili qüvvələri məharətlə zərərsizləşdirən Heydər Əliyevəsl mənada müstəqil dövlətin qurulması, iqtisadi, hərbi, mədəni potensiallarının hərəkətə gətirilməsi üçün vacib şərt olan əmin-əmanlıq şəraiti yaratdı. Dövrün burulğanlı, təlatümlü çağında böyük siyasi müdrikliyi, siyasi məharəti, gözlənilməz siyasi gedişləri ilə tarixin yaddaşında əbədi yaşayacaq liderin fəaliyyəti zaman keçdikcə öz dəyərini göstərməkdədir və bunlar zaman-zaman elmi araşdırmaların mövzusu, predmeti olacaqdır.

Rayon rəhbəri bütün sahələrdə olduğu kimi məcburi köçkünlərə diqqət və qayğı da hər zaman dövlətimizin diqqət mərkəzində olduğunu vurğulayıb. Belə ki, məcburi köçkünlərin həyat şəraitlərinin yaxsılaşması, onların sosial rifahının gücləndirilməsi məhz Heydər Əliyevin adı ilə bağlıdır.

Dahi rəhbərin həyata keçirdiyi siyasət nəticəsində qaçqın və məcburi köçkünlərin problemləri öz həllini tapıb.

Qeyd olunub ki, bu gün Heydər Əliyev siyasi irsinin layiqli davamçısı, Azərbaycan Respublikasının Prezidenti İlham Əliyev tərəfindən Ulu Öndərinideya və strategiyasının yeni tarixi şəraitə uyğun yaradıcılıqla həyata keçirilməsi ölkəmizi çiçəklənən bir diyara çevirib: "Biz inanırıq ki, yaxın gələcəkdə məhz bu siyasətin nəticəsində torpaqlarımız işğaldan azad olunacaq və məcburi köçkünlər öz doğma yurd-yuvalarına qayıdacaqlar".

Tədbir Qubadlı şəhər 1 saylı körpələr evi-uşaq bağçası kollektivinin hazırladığı konsert proqramı ilə başa çatıb.