Sumqayıtın 70 illik yubleyi ərəfəsində şəhərdə bir neçə sosial əhəmiyyətli obyektlər tikilir.
Şəhərin Dənizkənarı bulvarında müasir Muğam Mərkəzi tikilir.
Ümumi sahəsi 3200 kvadratmetrlik binada 400 nəfərlik tamaşaçı zalı olacaq. Eyni zamanda, mərkəzdə 1 direktor və 14 sinif otağı yaradılacaq. Belə bir mədəniyyət ocağının tikilməsi muğamın daha da inkişaf etdirilməsi və təbliğində böyük rol oynayacaq.
Muğam Mərkəzinin tikintisi şəhərin 70 illik yubileyinə qədər başa çatdırılacaq və istifadəyə veriləcək.
Dövlət başçısının tapşırıq və tövsiyələrinə əsasən, dövlət vəsaiti hesabına Sumqayıt şəhərində həyata keçirilən iri layihələrdən biri də Dənizkənarı bulvarın daha 1 km. uzadılmasıdır. Bulvarda çimərlik üçün də xüsusi yer ayrılıb.
Bunlardan başqa, Sumqayıtda 1960-cı illərdə tikilmiş və baxımsızlıq ucbatından yararsız vəziyyətə düşmüş Nizami kinoteatırı sökülərək yenidən tikilir. Bina ən müasir kinotexnologiya ilə təchiz ediləcək.
Xəbərdən istifadə edərkən istinad etmək vacibdir.
