Son zamanlar mətbuatda uşaq bağçalarının yoxlanılması və bizim tərəfimizdən 1500 manat cərimə yazılması ilə bağlı yayılan məlumatlar həqiqətə uyğun deyil.
Xeberle.com xəbər verir ki, bunu Qida Təhlükəsizliyi Agentliyinin sədri Qoşqar Təhməzli deyib. O bildirib ki, respublikada 1600 uşaq bağçasından seçmə yolu ilə 400-ündə monitorinqlərin keçirilməsi planlaşdırılır.
"Məqsəd böyüməkdə olan nəslin sağlam qidalanma ilə təmin olunmasıdır. Səhiyyə Nazirliyi tərəfindən məktəbəqədər müəssisələrdə uşaqların qidalanma rasionu işlənib hazırlanıb və Nazirlər Kabinetinə təqdim edilib. Yəqin yaxın vaxtlarda təsdiqini tapar. Bağçalarda qidalanma rasionu tətbiq olunmalı və onun qida təhlükəsizliyi təmin olunmalıdır".
Q. Təhməzli bildirib ki, Azərbaycanın bütün ərazilərində körpələrə eyni qida verilmir: "Məsələn, elə bölgə var ki, orada dəmir çatışmazlığı var. Nəticədə həmin bölgədə dəmir defisitli animiya var. Bizim qız uşaqlarda bu daha çox müşahidə edilir. 2017-ci ildə dəmir defisitli anemiya qadınlar arasında 44 faiz olub",-deyə o əlavə edib.
Xəbərdən istifadə edərkən istinad etmək vacibdir.
