"Kanal13"ün şərti azadlığa buraxılan rəhbəri, jurnalist Əziz Orucovun oktyabrın 24-də keçirilən məhkəmə prosesi yenidən təxirə salınıb. Bu barədə Əziz Orucov sosial şəbəkədə məlumat yayıb.
O bildirib ki, 25 oktyabr tarixində Nəsimi Rayon Məhkəməsində saat 14:00-da kecirilməli olan iclası yenidən - 3-cü dəfə təxirə salınıb və məhkəmə tərəfindən səbəbin prokurorun prosesə gəlmədiyi qeyd olunub. Jurnalist özünə qarşı 2 may 2017-ci ildən başlanmış olan və artıq 3-cü ildir davam edən məhkəmə proseslərinin sayının 30-u keçdiyini, amma hələ də tam ədalətli bir qərar verilmədiyindən narazılığını bildirib.
Xatırladaq ki, Əziz Orucovun növbəti məhkəmə prosesi noyabrın 5-i, saat 14:30-a təyin olunub.
Xəbərdən istifadə edərkən istinad etmək vacibdir.
