Ölkəmizdə müstəqillik illərində yol-nəqliyyat hadisələri üzrə statistik rəqəmləri təhlil edəndə, dəhşətli mənzərə alınır.
Xeberle.com xəbər verir ki, bunu yol hərəkəti üzrə ekspert Ərşad Hüseynov deyib. Onun sözlərinə görə, 1991-2018-ci illərdə yol qəzalarında ölən və yaralananların sayı 100 minə çatıb:
"Bu ili də əlavə etsək, 100 minlik hədd aşılacaq. Onlardan 25 386 nəfər ölüb, 74 413 nəfər isə yaralanan (sağlamlığına ağır və ya az ağır zərər dəyənlər) şəxslərdir. Sağlamlığına yüngül zərər dəyənlərin statistikası aparılmır. Bu bəla ilə hamı mübarizə aparmalıdır. Ən azından hər kəs özündən başlamaqla", - deyə Ə.Hüseynov vurğulayıb.
Xəbərdən istifadə edərkən istinad etmək vacibdir.
