Sumqayıtın şəhər statusu almasının 70 illik yubileyi ilə əlaqədar olaraq noyabrın 18-də Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər idarəsində "Azərbaycan Qarabağ Müharibəsi Əlilləri, Veteranları və Şəhid Ailələri” İctimai Birliyi Sumqayıt şəhər filialının üzvlərinin iştirakı ilə görüş keçirilib.
İdarə rəisi, polkovnik Natiq Qarayev İctimai Birliyin Sumqayıt şəhər filialının sədri Tərlan Hacı-zadə və digərləri şəhərin 70 ildə keçdiyi yoldan, uğurlu inkişafından, Qarabağ müharibəsində iştirak edən insanlara dövlətin göstərdiyi diqqət və qayğıdan, hər iki təşkilatın birgə səmərəli əməkdaşlığından danışıblar.
Sonra Sumqayıtın yubileyi münasibətilə idarənin bir qrup zabiti "Azərbaycan Qarabağ Müharibəsi Əlilləri, Veteranları və Şəhid Ailələri” İctimai Birliyinin təsis etdiyi medallarla təltif olunub.
Xəbərdən istifadə edərkən istinad etmək vacibdir.
