Sumqayıt şəhər Gənclər və İdman Baş
İdarəsinin təşkilatçılığı ilə Gənclər Evində 05 dekbar - "Beynəlxalq Könüllülər Günü”
münasibəti ilə "Azərbaycan Könüllülər həftəsi” çərçivəsində "Könüllülər
inkluziv gələcək üçün” mövzusunda seminar keçirilib. Məqsəd "Azərbaycan
gəncliyi 2017-2021-ci illərdə” Dövlət Proqramın 5.7.5-ci bəndinə müvafiq olaraq
gənclər arasında könüllülük fəaliyyətinin daha geniş təbliğ edilməsinə, cəmiyyətin
bütün sahələrində gənclərin fəal iştirakına şərait yaratmaq, ictimai həyatda fəal
iştirak və təcrübi biliklərini artırmaq olmuşdur. Tədbiri
giriş sözü ilə açan Baş İdarənin Gənclərlə
iş sektorunun baş məsləhətçisi Pərvin Rəsulov
könüllülük fəaliyyətinin gənclərin
fərdi inkişafında əvəzsiz rol oynadığını və mövcud fəaliyyətin həm də bütün Azərbaycanın
gələcəyi üçün atılmış addım olduğunu qeyd etdi. Bildirildi ki, Baş İdarə tərəfindən
bu istiqamətdə keçirilən müxtəlif tədbirlər şəhərimizdə könüllülük hərəkatının
inkişafına öz töhfəsini verir.
Daha sonra təlimçi
Rza Mirzəzadə könüllülük fəlsəfəsi, gənclərin idarəetmə və vətəndaş cəmiyyətinin
inkişafında rolu, ictimai fəallığının təmin olunması barədə biliklərini
iştirakçılarla bölüşmüş, gəncləri maraqlandıran sualları cavablandırmışdır.
Xəbərdən istifadə edərkən istinad etmək vacibdir.
