Sumqayıt Dövlət Universitetində (SDU) ilk tələbələrarası debat layihəsinə start verildi.
ANS PRESS-in məlumatına görə, SDU-da Qladiator Debatları üzrə debat təlimlərinə 60-a qədər tələbə cəlb edilib. Təlimlər Ritorika Universal Klubunda keçirilir. 
Klubun "SDU I Qladiator Debatları Kolizeyi" layihəsinin təlimçisi Həbib Heydərdir. Təlimçi tələbələrə debat nəzəriyyəsi, onun praktik həyatda tətbiq sahələri, gənclərin şəxsi inkişafında debatda qazanılan bacarıqların əhəmiyyəti, eləcə də debat mədəniyyətinin qayda və prinsipləri, layihənin əsasını təşkil edən Qladiator Debatları ilə digər debat formatlarının müqayisəli təhlilini verib. 
Təlimlər bitdikdən sonra dekabr ayında SDU tarixində ilk dəfə olaraq tələbələrarası debat çempionatı təşkil ediləcək. 
"SDU I Qladiator Debatları Kolizeyi" layihəsi Sumqayıt şəhər Gənclər və İdman Baş İdarəsi və s. təşkilatlar tərəfindən dəstəklənir və maliyyələşdirilir.