Sumqayıt
şəhər Gənclər və İdman Baş İdarəsinin təşkilatçılığı iləSumqayıt Dövlət Texniki və Musiqi Kolleclərində ilk dəfə səs verəcək gənclərin iştirakı ilə seminar keçirildi.
Tədbiri giriş sözü ilə açan Baş İdarənin
Gənclərlə iş sektorunun baş məsləhətçisi Pərvin Rəsulov iştirakçıları
salamlayaraq, Respublikada dövlət gənclər siyasətinin
uğurlu inkişafından, Milli Məclisə keçirilən seçkilərin ölkəmiz üçün əhəmiyyətindən danışdı.Qeyd edildi ki, tədbirin keçirilməsində
məqsəd "Azərbaycan gəncliyi 2017 – 2021-ci illərdə” Dövlət Proqramının Tədbirlər Planının 5.7.3 yarımbəndinin
icrası, gənclər arasında seçkilərdə iştirakın təbliği, seçkilərdə ilk dəfə
iştirak edən gənclərin seçki prosesi, seçkilərdə iştirak hüququ, seçicilərin
hüquq və vəzifələri, səsvermə proseduru barədə maarifləndirilməsidir.
Sonra təlimçi Ramil Süleymanov
iştirakçılara seçkilərdə iştirak hüququ, səsvermə proseduru barədə ətraflı məlumat
verərək, qanunla hüquqları məhdudlaşdırılmayan 18 yaşına çatmış hər bir Azərbaycan
vətəndaşının öz səsvermə hüququndan istifadə etməklə əslində seçki
obyektivliyini təmin etmiş olacağını bildirdi.
Sonda gəncləri
maraqlandıran suallar təlimçi tərəfindən cavablandırılmış, iştirakçılara
maarifləndirici bukletlər paylanılmışdır.
Xəbərdən istifadə edərkən istinad etmək vacibdir.
