Bakı Dövlət Universitetin (BDU) nəzdində Elmi Tədqiqat Mərkəzi (ETM) qurulacaq.
Bu barədə APA-ya BDU-dan bildirilib.
Universitetdən verilən məlumata görə, ötən illərdə ETM-in Yüksək Texnologiyalar Mərkəzi kimi fəaliyyət göstərməsi nəzərdə tutulurdu. Hazırda isə onun təyinatı dəyişdirilib. Mərkəzin yaradılmasına vəsait ayrılıb və tender əsasında inşası davam etdiriləcək.
"Mərkəzdə sırf elmi tədqiqat işləri aparılacaq. Məsələn, universitetin təbiət fakültəsinin elmi tədqiqat laboratoriyalarının bir qismi bu Mərkəzə köçürüləcək. İstisna deyil ki, əldə olunan uğurlu innovativ nəticələr sənayedə tətbiq olunsun", - deyə universitetdən qeyd ediblər.
Xəbərdən istifadə edərkən istinad etmək vacibdir.