Gecə saatlarında Sumqayıtda koronavirus infeksiyasının ölkə
ərazisində yayılmasının qarşısını almaq məqsədilə ciddi təxirəsalınmaz
işlər davam etdirilib.
Xeberle.com xəbər verir ki, Sumqayıt şəhər İcra Hakimiyyəti tərəfindən xüsusi ayrılmış
kommunal texnikalar vasitəsilə küçə və prospektlər dezinfeksiya olunub.
Dezinfeksiya tədbirləri axşam saat 22-00-dan başlayaraq 2 saat davam
edib. Şəhərin yalnız
mərkəzi küçələrində deyil, həm də digər yollarda qurumun texnikaları işləyib.
Texnikalarda daşınan suyun tərkibinə xüsusi dərman
preparatları və dezinfeksiyaedici məhlullar əlavə edilib.
Bundan əlavə, yaşayış binalarının həyətlərində, giriş bloklarında, lift kabinlərində, pilləkən marşlarında, konteyner meydançalarında və sakinlərin daha çox istifadə etdiyi yerlərdə dezinfeksiyaedici tədbirlər aparılacaq.
Xəbərdən istifadə edərkən istinad etmək vacibdir.
