Bu gün Azərbaycan Respublikasının
Prezidenti yanında Qeyri-Hökumət Təşkilatlarına Dövlət Dəstəyi Şurasının
Koronovirusla mübarizə üzrə İctimai Qərargahının üzvləri Rauf Zeyni,
Sahib Fərzəliyev və İbrahim İbrahimli Sumqayıt şəhərində növbəti
monitorinq həyata keçiriblər.
Xeberle.com xəbər verir ki, monitorinq zamanı dövlətin sosial dəstəklə bağlı qəbul
olunmuş qərarların icra vəziyyəti ictimai monitorinq edilmişdir.
QHT
nümayəndələri bununla bağlı işsiz vətəndaşlara verilən maliyyə
yardımının vəziyyətinin yoxlanması üçün aidiyyəti məntəqələrdə olublar.
Məşğulluq mərkəzlərinin tam gücü ilə vətəndaşların onlayn müraciətlərini
nəzərdən keçirildiyi müşahidə olunub. Növbə ilə 24 saat iş rejimində
işlənilir. Poçt sistemində qayda qanunlar çərçivəsində işlər təşkil
olunub. Monitorinq zamanı bank sektorunda da vəziyyət monitorinq
edilmişdir. Monitorinq aparılan banklarda vətəndaşlar əsasən xidmətin
aşağı səviyyədə təşkilindən narazılıqlarını bildirdi. Banklar tam gücü
ilə fəaliyyət göstərmədiyindən insanlar çox növbədə durduqlarını
bildiriblər. Diqqət çəkən məqamın xüsusi karantin rejimi olmasına
baxmayaraq şəhərdə insanların aktiv hərəkəti olduğu müşahidə olunub.
Xəbərdən istifadə edərkən istinad etmək vacibdir.
