Milli Məclisin deputatı Müşfiq Məmmədli faşizm üzərində qələbənin 75 illiyi münasibəti ilə Sumqayıtda Böyük Vətən Müharibəsi iştirakçısı Yuri Vladimiroviç Yermakov ilə görüşüb.
Xeberle.com xəbər verir ki, millət vəkili qələbənin 75 illiyi münasibəti ilə onu təbrik edərək veteranlara göstərilən qayğıdan danışıb.
M. Məmmədli bildirib ki, veteranlar bizim üçün canlı örnəkdir. Biz qəhramanlıq və şücayəti onlardan öyrənməliyik. Dövlətimiz daim Böyük Vətən Müharibəsi iştirakçılarına qayğı göstərir. Millət vəkili veteranla söhbət edərək, qayğıları ilə maraqlanıb, ona möhkəm can sağlığı arzulayıb.
Bu gün həmçinin bir neçə ehtiyacı olan ailəyə müqəddəs Ramazan ayı münasibətilə yardım olunub. Söhbət zamanı sakinlər ölkə prezidentinə daim vətəndaşların yanında olduğu üçün ona dərin təşəkkürlərini bildiriblər.
Xəbərdən istifadə edərkən istinad etmək vacibdir.
