Xeberle.com olaraq hər zaman əhalini maraqlandıran mövzularda sorğular keçirdirik. Bu dəfə isə Sumqayıt şəhər Gənclər və İdman Baş idarəsinin fəaliyyəti və ümumiyyətlə bu idarə haqqında olan fikirləri öyrənmək üçün Xeberle.com-un "Sumqayıt Rəsmi Səhifə” adlı facebook və instaqram sosial hesablarında sorğu keçirdik. Respondentlər sorğuda fəal iştrak etməsələr də, görünən mənzərən belə aydın olur ki, bu idarə haqqında məlumatı olan çox az izləyici var.. Ümumiyyətlə idarənin varlığı və fəaliyyəti haqqında xəbardar deyillər.
Bəs pandemiya dövründə Sumqayıt şəhər Gənclər və İdman Baş İdarəsi nə işlər görüb?
İdarədən Xeberle.com-a verilən məlumata görə, 23-27 mart 2020-ci il tarixlərində şəhərimizdə Koronavirusla mübarizə tədbirləri çərçivəsində Sumqayıt şəhər İcra Hakimiyyətinin təşəbbüsü və Baş İdarənin təşkilatşılığı ilə müxtəlif sahələri təmsil edən könüllü gənclər şəhərin məkəzi prospektlərində, ictimai nəqliyyat vasitələrində, insanların sıx hərəkət etdiyi yerlərdə İcra Hakimiyyəti tərəfindən hazırlanmış braşürları sakinlərə təqdim etmiş, Nazirlər Kabineti yanında Operativ Qərargahın qərar və tövsiyələrini əhalinin diqqətinə çatdırmış, onlara şəxsi gigiyena qaydalarına əməl etmək, özünütəcrid şəraitinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaları barədə məlumatlar vermişlər.
Həmçinin cari ilin aprel ayı müddətində könüllü gənclərin və idman ictimaiyyətinin nümayəndələri şəhər sakinlərinin xüsusi karantin rejiminin qaydalarının yerinə yetirilməsinə nəzarət etmələri məqsədilə əhalinin daha çox toplaşdığı yerlərdə sakinlərlə fərdi qaydada söhbətlər aparmış, karantin rejiminin tələblərinə ciddi riayət etməli olduqlarını onlara çatdırmışdır.
Eyni zamanda Baş İdarənin təşkilatı dəstəyi ilə 15 aprel – 15 may tarixlərdən Heydər Əliyev Fondunun və şəhər İcra Hakimiyyətinin ehtiyacı olan sakinlər üçün ərzaq yardımı kompaniyasında könüllü gənclər iştirak etmişlər.
Şəhər gəncləri koronavirus (COVID-19) pandemiyası ilə bağlı ölkəmizdə tətbiq edilən sosial izolyasiya və karantin rejimi şəraitində gənclərin Qarabağ və tarixi Azərbaycan torpaqları haqqında biliklərini artırmaq, eyni zamanda, bu sahədə aparılan təbliğat işində onların iştirakını yüksəltmək məqsədilə "Evdə qal, təbliğatdan qalma!" virtual təbliğat kampaniyasında yaxından iştirak etmişlər.
O, cümlədən şəhərdə fəaliyyət göstərən gənclər təşkilatlatları gənclərin vətənpərvərlik tərbiyəsi, gənclərlə bağlı yeni cağrışlar, dünya iqtisadiyyatına yeni baxış və gənclərin məğulluğu, gənclər təşkilatlarının fəaliyyəti və yeni yanaşmalar, sosial izolyasiya dövründə gənclərin fəaliyyəti kimi mövzularda onlayn konfranslarda iştirak etmişlər.
Həmçinin 22 may tarixində növbəti dəfə şəhər İcra Hakimiyyətinin təşəbbüsü ilə həyata keçirilən aksiyada Sumqayıt Şəhər Gənclər və İdman Baş İdarəsinin gənc könüllüləri sakinlərlə maarifləndirici söhbətlər aparıb, tibbi maskadan istifadə etməyin vacibliyini qeyd ediblər və sakinlərə tibbi maskalar paylayıblar.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
