Dünyanın 1 nömrəli nasisti Adolf Hitlerin həyatı ilə bağlı yeni maraqlı və heç yerdə getməyən fotolar yayılıb. Fotolarda Adolf Hitlerin həyatının müxtəlif vaxtlarında çəkilib. Həmin fotolar diktatorun hakimiyyəti vaxtlarında çəkilsə də, bu vaxta qədər mətbuatda yayımlanmayıb.

Qeyd edək ki, son zamanlar Adolf Hitler barədə başqa bir maraqlı məlumat da yayılmışdı. Məlumatda iddia olunur ki, Adolf Hitler 95 yaşına qədər Braziliyada yaşayıb. Simoni Renee Guerreiro Dias adlı brazilyalı yazıçı "Hitlerin Brazilyada yaşamı və Ölümü" adlı yeni kitabında, nasist liderinin 1984-cü ildə, 95 yaşında olarakən Brazilyada vəfat etdiyini qeyd edib.

Xatırladaq ki, Adolf Hitler 1889-cu il aprelin 20-də Avstriyanın Braunau şəhərində anadan olub. Adolf 13 yaşında atasını, 18 yaşında isə anasını itirib. 1918-ci ilin sonunda Hitler Münhenə gedib və ordu sıralarına yazılıb. Kapitan Ernst Remin tövsiyəsi ilə "Alman Fəhlə Partiyası"na qoşulan Hitler tezliklə partiyanın yaradıcılarını kənarlaşdıraraq onun yeganə liderinə çevrilib. Onun təşəbbüsü ilə 1919-cu ildə partiyanın adı dəyişdirilərək "Alman Nasional Sosialist Fəhlə Partiyası" (Nationalsozialistische Deutsche Arbeiterpartei, NSDAP) adlandırılıb.

Partiyadakı tərəfdarları alovlu çıxışlarına və qətiyyətliliyinə görə Hitlerə "Fürer" (rəhbər) ləqəbi veririblər. 1924-cü ilin fevral-mart aylarında keçirilən məhkəmənin qərarı ilə Adolf Hitler 5 il müddətinə həbsə məhkum edilsə də, cəmi 10 ay sonra azadlığa buraxılıb. Həbsdə olduğu müddətdə özünün məşhur "Mənim mübarizəm" (Mein Kampf) adlı kitabının birinci hissəsini yazıb.