"Bildiyiniz kimi 44 saylı Sumqayıt - Xızı seçki dairəsinin ərazisinə daxil olan Yaşma bağları uzun illərdir ki, su və digər problemlərlə üzləşib. Deputat seçildiyim gündən bu yana sözügedən ərazinin problemlərini araşdırır, diqqətdə saxlayıram. Əhalini ən çox narahat edən iki məsələ su və nəqliyyat problemi daim dilə gətirilib, bu haqda dəfələrlə şifahi müraciətlər olub. Millət vəkili olaraq öz növbəmdə mütəmadi olaraq aidiyyəti qurumlarla əlaqə saxlayıb problemləri nəzərlərinə çatdırmışam."
Bu sözləri Xeberle.com-a açıqlamasında Milli Məclisin deputatı Müşfiq Məmmədli "Yaşma bağları"nda mövcud olan problemlərə münasibət bildirərkən deyib. M. Məmmədli qeyd edib ki, qısa müddət ərzində sözügeən ərazinin bəzi problemləri öz həllini tapıb: "Yaşma bağ sakinlərini, o cümlədən məni sevindirəcək addım atılıb. Belə ki, həmin əraziyə işləyən 3 saylı marşurutun qət etməli olduğu yol 4 km artırılmış, bu da sakinləri narahat edən məsələnin aradan qalxmasına mühüm töhvə olmuşdur. Eyni zamanda bildirmək istərdim ki, yaxın zamanlarda 26 saylı marşurutun da bərpa ediləcəyi haqda bizə məlumat verilmişdir.
Su probleminə gəldikdə isə millət vəkili vurğulayıb ki, bu istiqamətdə də müəyyən addımlar atılıb: "Sakinləri narahat edən digər məsələ isə suvarma üçün nəzərdə tutulan suyun təzyiqinin aşağı olması, bəzi yerlərdə isə gün ərzində çox cüzi az vaxtla verilməsi idi. Təbii ki, haqlı narazılığı nəzərə alaraq Melorasiya və Su Təsərrüfatı ASC-yə rəsmi məktub göndərdik. Eyni zamanda İnsanların içməli su ilə təmin olunması üçün Azərsu ASC-yə də rəsmi müraciət etdik. Artıq ilkin nəticələr var. Belə ki, suvarma üçün verilən suyun təzyiqi normallaşıb, insanlar texniki sudan normal istifadə edə bilirlər. Bununla yanaşı içməli su problemi açıq qalıb. Məsələni diqqətdə saxlayacağıq. Ümid edirik ki, ölkə rəhbəri cənab prezidentimizin də diqqətində olan su problemi tez bir zamanda Yaşma bağlarında da öz həllini tapacaqdır".
Xəbərdən istifadə edərkən istinad etmək vacibdir.
