Xeberle.comxəbər verir ki, şəhərdə keçirilən reyd zamanı obyektlərdə sosial məsafəni gözləməyən, tənəffüs yollarını qoruyan fərdi vasitələrdən, maskalardan istifadə etməyən şəxslər qanunvericiliyə uyğun olaraq, inzibati məsuliyyətə cəlb olunublar. Həmçinin açıq havada fəaliyyət göstəən restoranlarda ara məsafələrinin saxlanılmasına və dezinfeksiya işlərinə nəzarət edilib.

Reydlər zamanı mağazalara maskasız daxil olan və buna göz yuman obyekt əməkdaşları polislər tərəfindən müəyyən edilərək qanunvericiliyə uyğun şəkildə ciddi cəzalandırılıblar. Sumqayıt şəhərindəki apteklərdə sanitar-gigiyenik qaydalara əməl etməyərək tibbi maska və əlcəksiz işləyən satıcılara da xəbərdarlıq olunub, barələrində ciddi intizam tədbirləri görülüb. Polislər tərfindən sahibkarlar, eləcə də alıcıların diqqətinə sanitar-karantin qaydalarına ciddi əməl etməklə fəaliyyət göstərməyin vacibliyi çatdırılıb.

Reyd zamanı həmçinin avtobuslarda maskadan istifadə etməyən sərnişinlər də Sumqayıt Şəhər Dövlət Yol Polisinin əməkdaşları tərəfindən müəyyən edilərək cərimələniblər. Belə hallara yol verən avtobus sürücüləri barəsində də ciddi tədbirlər görülüb.

Xədicə Səxavətqızı

Video və Foto: Əli Əliyev