2020-ci ilin yanvar-iyun aylarında cinayət törətmiş şəxslərin arasında qadınların xüsusi çəkisi 5,3 faiz, 14-17 yaşda olan uşaqların xüsusi çəkisi isə 2,4 faiz təşkil edib.
Dövlət Statistika Komitəsindən Xeberle.com-un sorğusuna cavab olaraq bildirilib ki, ötən ilin müvafiq dövrü ilə müqayisədə cinayət törətmiş qadınların sayı 9,4 faiz azalıb, 14-17 yaşda olan uşaqların sayı isə 3,5 faiz artıb.
Cari ilin yanvar-iyun ayları ərzində qadınlar və yetkinlik yaşına çatmayanlar tərəfindən törədilmiş cinayətlərin sayı müvafiq olaraq 2,3 faiz və 12,2 faiz, onlara qarşı törədilən cinayətlərin sayı isə 4,7 faiz və 7,9 faiz azalıb.
Ötən ilin müvafiq dövrü ilə müqayisədə cinayət nəticəsində zərərçəkmiş qadınların və yetkinlik yaşına çatmayanların sayında da müvafiq olaraq 11,2 faiz və 0,7 faiz azalma müşahidə olunub.
Xəbərdən istifadə edərkən istinad etmək vacibdir.
