Sumqayıt şəhər "Lift – Servis” Birliyinin Baş mühəndisi
Ramiz Mirzə oğlu Məmmədovun 70 yaşı tamam olur.
O, 24 yanvar 1951 – ci ildə Sumqayıt şəhərində
anadan olub. Onun uşaqlığı, gəncliyi və əmək fəaliyyəti "Gənclik şəhəri” ilə bağlıdır.
O, əmək fəaliyyətinə 1968 – ci ildə "Küçə işıqları”
idarəsində elektrik montyoru kimi başlayıb. On dörd il bu idarədə çalışaraq, rəis
vəzifəsinədək yüksəlib.
1988 – ci ildən onun taleyi lift təsərrüfatı ilə
bağlı olub. 1989 – cu ildə "Lift –Servis” Birliyinə sahə rəisi vəzifəsinə qəbul
olunub. .1994 – cü ildən isə Birliyin Baş mühəndisi vəzifəsini daşıyır.
O, işlədiyi sahələrdə üzərinə düşən vəzifəni məsuliyyətlə
yerinə yetirərək, kollektivlərdə layiq olduğu hörməti qazanıb. Şəhərin lift təsərrüfatında əldə olunmuş nailiyyətlərdə, onun təcrübəli
mütəxəssis kimi səmərəli fəaliyyəti danılmazdır.
Şəhərin və Birliyin ictimai həyatında R. Məmmədov
daim fəallıq göstərib, bütün ictimai və mədəni təşkilati məsələlərdə, quruculuq
işlərində yaxından iştirak edib. 10 il ərzində Corat qəsəbə Bələdiyyəsinin üzvü
kimi fəaliyyət göstərib, qəsəbənin abadlıq-quruculuq işlərində fəal iştirak edərək,
sakinlərin hörmətini qazanıb.
Hazırda Birliyin Həmkarlar İttifaqı Komitəsinin
üzvüdür. Sumqayıt şəhər İcra Hakimiyyəti və Həmkarlar İttifaqı Respublika Komitəsi
Ramiz Məmmədovun əməyini yüksək qiymətləndirib, ”Fəxri Fərman”lar ilə
mükafatlandırılıb.
R. Məmmədovun 4 övladı, 4 nəvəsi vardır.
Onu, yubileyi ilə əlaqədar ürəkdən təbrik edir,
uzun, sağlam həyat və gələcək fəaliyyətində
uğurlar arzulayırıq.
Taleh Məmmədov
Xəbərdən istifadə edərkən istinad etmək vacibdir.
