Biz,
YAP üzvü olan gənclər quruculuq səngərində öz liderimizin ətrafında
daha da sıx birləşəcəyik.
Böyük fəxarət hissiylə qeyd edim ki, Azərbaycan Respublikasının
Prezidenti, Silahlı Qüvvələrin Ali Baş Komandanı cənab İlham Əliyevin
elan etdiyi "Qarabağ Azərbaycandır və nida” şuarı xalqımızın müqəddəs
vətən torpağı uğrunda savaşının ideya qayəsi, qələbəyə səsləyən rəhbər
çağırışı oldu.
44 günlük Vətən müharibəsində cəmiyyətimizin nümayiş etdirdiyi möhtəşəm
birlik xalqımızın dövlət başçısının ətrafında sıx birləşməsinin bariz
ifadəsi olmaqla yanaşı, eyni zamanda yeni və qüdrətli Azərbaycanın bütün
dünyada özünütəsdiqi kimi qəbul edildi.
Vətən müharibəsi başlayarkən bütün vətənpərvər Azərbaycan gəncləri kimi
Yeni Azərbaycan Partiyasının üzvü olan gənclər də Ali Baş Komandanımızın
çağırışına qoşularaq Müzəffər Azərbaycan Ordusunun sıralarına
qarışdılar.
Azərbaycanın müzəffər ordusunun zəfər yürüşü, düşmənin sonadək bütün
torpaqlarımızdan qovulması, Qarabağın xüsusən də xalqımızın ləyaqət və
qürur rəmzi Şuşanın işğaldan azad edilməsi, uzun illər düyünə düşmüş və
region üçün təhlükə mənbəyi olan Dağlıq Qarabağ münaqişəsinin uğurla və
ədalətlə həll edilməsi həm də yaşadığımız bölgədə sülh və təhlükəsizliyə
əvəzsiz töhfədir. Savaş meydanında əldə etdiyimiz tarixi qələbənin
ardınca Azərbaycanı daha böyük gələcək, daha firavan həyat gözləyir.
Vətən müharibəsi yalnız dövlətimizin hərbi uğuru kimi deyil, eyni
zamanda Azərbaycanın iqtisadi və siyasi arenada əldə etdiyi böyük qələbə
kimi də xarakterizə edilməlidir. Bir qayda olaraq Azərbaycan bu Vətən
müharibəsində bütün platformalarda öz gücünü açıq-aşkar göstərə bildi.
Vətən müharibəsində Azərbaycan ordusunun qələbəsini səciyələndirən əsas
amillərdən biri isə hərbi sahədə düzgün addımların atılması idi ki, bunu
da biz 44 gün ərzində müşahidə edə bildik.
Azərbaycanın haqlı mübarizəsini dünya ictimayətinə çatdırmaq, həmçinin
milli iradə əzmini ortaya qoymaq da əsas məsələ kimi
dəyərləndirilməlidir.
Bütün dünyaya göstərmək lazım idi ki, biz haqq müharibəsi, vətən
müharibəsi, azadlıq müharibəsi aparırıq. Biz öz torpaqlarımızı, işğal
olunmuş ərazilərimizi işğalçıdan azad etmək müharibəsi aparırıq, ərazi
bütövlüyümüzü təmin edirik. Bütün bu siyasəti dünyaya çatdırmaq lazım
idi.
Prezident İlham Əliyevin dünyanın aparıcı mediasına verdiyi 30-dan artıq
müsahibə dünya informasiya məkanında ölkəmizə qarşı olan hücumları
darmadağın etdi. Ermənistanın və onun havadarlarının işğala və tədricən
Azərbaycan ərazilərinin ilhaqına əsaslanan planları alt-üst oldu.
Regionda Azərbaycanın maraqlarına cavab verən yeni siyasi reallıq
yarandı. Yekun nəticədə Azərbaycan vətəndaşlarının 30 ilə yaxın davam
edən torpaq həsrətinə son qoyuldu. Bu qələbə azərbaycanlılar haqqında
torpaqları işğal olunmuş xalq sindromunu sındırdı, xalqın inamını özünə
qaytardı. Bütün dünya gördü ki, Azərbaycan xalqı heç vaxt işğalla
barışmayacaq və gec-tez öz amalına qovuşacaqdır. Prezident İlham
Əliyevin son 17 ildə həyata keçirdiyi güclü dövlət, güclü ordu
stratrgiyası torpaqlarımızın işğaldan azad olunmasının ən başlıca
səbəbidir.
Biz, Yeni Azərbaycan Partiyasının üzvü olan gənclər həmişə olduğu kimi,
bundan sonra da öz liderimiz Müzəffər Ali Baş Komandanımızın yanında
olacaq, hərbi qələbənin siyasi qələbə kimi bərkidilməsində, işğaldan
azad olunmuş torpaqlarımızda erməni vandallarının darmadağın etdiyi
şəhər və kəndlərimizin yenidən inşasında, quruculuq səngərində
Azərbaycan Prezidentinin ətrafında daha da sıx birləşəcəyik.
Yaşasın Azərbaycan əsgəri! Yaşasın Azərbaycan xalqı! Yaşasın Müzəffər
Ali Baş Komandanımız İlham Əliyev! Qarabağ Azərbaycandır!
YAP Sumqayıt şəhər təşkilatının əməkdaşı,
Sumqayıt şəhər Bələdiyyəsinin üzvü İlahə Əliyeva
Xəbərdən istifadə edərkən istinad etmək vacibdir.
