Azərbaycan
Respublikasının Qida Təhlükəsizliyi Agentliyi (AQTA) tərəfindən
qanunvericiliyin tələblərinə, həmçinin Nazirlər Kabinetinin qərarı ilə təsdiq
edilmiş koronavirusun (COVID-19) profilaktikasına dair metodiki göstərişlərin
icrasına nəzarət məqsədilə ictimai iaşə obyektlərində reydlər davam etdirilir.
Xeberle.com xəbər verir
ki, monitorinqlər zamanı 62 müəssisədə qanunvericiliyin tələblərinin kobud
şəkildə pozulması faktları aşkar olunub.
Uyğunsuzluqlar aşkar
edilən ictimai iaşə müəssisələri sırasında Sumqayıtda fəaliyyət göstərən
obyektlər də var.
Belə
ki, N. Nərimanov küçəsi, 6-cı məhəllə, "Bələdiyyə Parkı" ərazisində
yerləşən, fiziki şəxs Əkbərov Şaiq Zahid oğluna məxsus "Zeytun"
restoranı, Nizami küçəsində yerləşən, fiziki şəxs Abbasov Əşrəf Eldar oğluna
məxsus "Green park" restoranı və 17-ci mikrorayonda yerləşən, fiziki
şəxs Zeynallı Elgün Eldar oğluna məxsus "Şahdağ" kafesində aşkar
olunmuş nöqsanlarla bağlı İnzibati Xətalar Məcəlləsinə uyğun olaraq müvafiq
tədbirlər görülüb.
Hazırda respublika üzrə AQTA müfəttişləri
tərəfindən monitorinqlər davam etdirilir və qaydalara əməl etməyən sahibkarlıq
subyektləri barədə ən sərt tədbirlər görüləcəkdir.
Xəbərdən istifadə edərkən istinad etmək vacibdir.
