Bu gün 44 günlük Vətən müharibəsində canını fəda edən şəhid Elvin İsmayılovun doğum günüdür. Yaşasayadı 19 yaşı olacaqdı.
Elvin İsmayılov valideynlərinin yeganə oğul övladı olub. Sumqayıt şəhər 24 nömrəli tam orta məktəbi oxuyub, 5 nəfərlik ailənin ilk övladı olan Elvin özündən balaca iki bacısına təkcə qardaş yox, həm də dayaq idi.
O, hərbi xidmətini Beyləqanda keçir. Müharibə başlayan kimi də döyüşə gedir. Tez-tez ailəsi ilə əlaqə saxlayan Elvindən 2 oktyabrda xəbər gəlir.
Şəhid Elvin İsmayılov Sumqayıt Şəhidlər Xiyabanında dəfn olunub. Onun doğum günü məzarı üzərində qeyd olunub. Valideynləri, yaxınları, şəhid anaları, dostları və ictimaiyyət nümayəndələri onun məzarını ziyarət ediblər.
Xəbərdən istifadə edərkən istinad etmək vacibdir.
