Xeberle.com xəbər verir ki, şəhərin 42-ci məhəlləsində 44 günlük Vətən Müharibəsində qəhrəmancasına şəhid olan Xüsusi Təyinatlı Qüvvələrinin komandir müavini polkovnik-leytenant Cəfərov Ramiz Sübhan oğlunun adına abidənin açılış mərasimi keçirilib.

Abidənin açılışında şəhidin yaxınları, şəhər ictimaiyyəti, hərbçilər iştirak ediblər. Mərasimdə çıxış edənlər şəhid Ramiz Cəfərovun şücaəti və keçdiyi döyüş yolundan danışıblar. Bildirilib ki, hərbidə 28 illik fəaliyyəti dövründə qüsursuz xidmət edən polkovnik-leytenant Ramiz Cəfərov kəşfiyyatçı olub.

Qeyd edək ki, polkovnik-leytenant Cəfərov Ramiz Sübhan oğlu noyabrın 6-da Şuşa uğrunda gedən döyüşlərdə şəhid olub.

Ramiz Cəfərova "Vətən Müharibəsi Qəhrəmanı" adı verilib. Bununla yanaşı R. Cəfərov "Vətən uğrunda", "Cəbrayılın azad olunmasına görə" və "Şuşanın azad olunmasına görə" medalları ilə təltif edilib.

Allah rəhmət eləsin!