Milli Məclisin 50 saylı Abşeron-Qobustan rayonu üzrə
deputatı Şahin Seyidzadə təmsil etdiyi Qobustan şəhər sakini olmuş şəhid
Hacıyev Sərxan Eldar oğlunun məzarını ziyarət edib.
Xeberle.com-a verilən məlumata görə, Qobusan rayonunda ümumilikdə 42 vətəndaşın iştirakı
ilə fərdi qəbul keçirən deputat həmçinin şəhidin məzarını ziyarət etməsi ilə
bağlı sosial şəbəkədə paylaşım edib.
"Sərxan
Hacıyev 8 iyul 1990-cı ildə Qobustan şəhərində anadan olmuş və orta təhslini
burada bitirmişdir. Qarabağın azad olunması uğrunda gedən "Dəmir yumruq” əməliyyatları
zamanı 30 sentyabr 2020-ci il tarixində Səfərbərlik və Hərbi Xidmətə Çağırış
üzrə Dövlət Xidmətinin Qobustan Rayon Bölməsindən könüllü olaraq cəbhəyə
yollanmışdır.
Ailəsi, dostları
və onu tanıyan hər kəsin xatirəsində məktəb illərində olduğu kimi vətənpərvərliyi,
mübarizliyi və qorxmazlığı ilə yadda qalan Sərxan 23 oktyabr 2020-ci il
tarixində Füzuli
rayonu istiqamətində gedən döyüşlərdə qəhrəmancasına şəhid olub. Ali Baş Komandan
İlham Əliyev tərəfindən Qobustan rayon şəhidi Sərxan Hacıyev "Füzulinin
azad olunmasına görə" və "Vətən uğrunda" medalları ilə təltif
edilib.
Allah bütün şəhidlərimizə
rəhmət eləsin!”
Xəbərdən istifadə edərkən istinad etmək vacibdir.
