Sumqayıt
şəhərində 53-cü məhəllədə yerləşən "Aylı gecə” restoranında xüsusi
karantin rejiminin pozularaq çoxsaylı qonaqların iştirakı ilə toy
keçirilməsi barədə polisə məlumat daxil olub.
Xeberle.com-un məlumatına görə, Sumqayıt şəhər Polis İdarəsinin və 1
saylı polis bölməsinin birgə həyata keçirdiyi tədbirlər zamanı qeyd
edilən ünvanda kiçik toy məclisinin keçirildiyi aşkar olunub. Həmin
restoranın icarədarı olan Bakı şəhəri Nəsimi rayonu İ. Məmmədov küçəsi,
ev 3, mənzil 6 ünvanında qeydiyyatda olan 1963-cü il təvəllüdlü Cabbarov
Qurban Məhəmməd oğlu və 19 nəfər toy iştirakçı barəsində İnzibati
Xətalar Məcəlləsinin 211-ci maddəsi ilə inzibati protokol tərtib olunub
və onların hər biri cərimələniblər.
Xəbərdən istifadə edərkən istinad etmək vacibdir.
