Xeberle.com-a verilən məlumata görə, bilik yarışının keçirilməsində məqsəd "Nizami Gəncəvi ili” haqqında Azərbaycan Respublikası Prezidentinin 05 yanvar 2021-ci il tarixli sərəncamını, "Azərbaycan gəncliyi 2017-2021-ci illərdə” Dövlət Proqramının müvafiq bəndlərini icra etmək, gənclərin dünya görüşünü, intellektual səviyyəsini, zehni inkişafını stimullaşdırmaq, onlar arasında bilik və elmin nüfuzunu artırmaq, asudə vaxtlarını səmərəli təşkil etmək olub.

Şəhərin müxtəlif sahələrini təmsil edən komandaların iştirakı ilə gərgin və maraqlı şəraitdə keçən bilik yarışının sonunda I yerə Sumqayıt Gənclər Klubunun "Zirvə”, II yerə Sumgait Volunteers Clubun "Gəncin sözü”, III yerə isə Sumqayıt Dövlət Texniki Kollecin "Tələbə Gənclər Təşkilatı” və Sumqayıt regional "ASAN” xidmət mərkəzinin "İsgəndərnamə” komandaları layiq görülüblər.

Qaliblərə Baş İdarənin kubok, medal, fəxri fərman və hədiyyələri təqdim olunub.