Sumqayıt Regional Mədəniyyət İdarəsinin Xızı rayon üzrə nümayəndəliyinin əməkdaşları və Mərkəzi Kitabxana Sisteminin oxucuları Qarabağ uğrunda gedən döyüşlərdə canlarından keçmiş qəhrəman oğullarımızın xatirəsini yad etmək üçün Sitalçay kəndində şəhid Ağəhmədov Elnur Fəxrəddin oğlunun və şəhid Ələkbərov Əlabbas Canmirzə oğlunun, Şorabad qəsəbəsində şəhid Cəfərov Elməddin Hümbət oğlunun, Giləzi qəsəbəsində şəhid Novruzov Ravil Elman oğlunun, şəhid Allahverdiyev Vidadi Fazil oğlunun, şəhid Qasımov Xaspolad Fikrət oğlunun və şəhid Məcidov Rafiq Rasim oğlunun məzarları ziyarət edilmiş, onların ruhuna dualar oxunmuş, məzarları üzərinə tər qərənfillər düzülmüşdür.
Şəhidlərin məzarı başında kiçik anım tədbiri keçirilmiş, onların qəhrəmanlıq dolu ömür və döyüş yolundan danışılmış, şəhid valideynlərinin övladları haqqındakı xatirələri dinlənilmişdir.
Daha sonra Xızı Mərkəzi Kitabxana Sisteminin əməkdaşları və oxucularının hazırladığı "Hünər nəğməsidir Şəhid məzarı” adlı ədəbi bədii kampazisiya nümayiş etdirilmişdir.
Xəbərdən istifadə edərkən istinad etmək vacibdir.
