Bakıda “Sovetski” adlanan məhəllənin sakinləri yenidən etiraz aksiyası keçirmək üçün 173 saylı məktəbin qarşısına toplaşıblar. ANS PRESS-in hadisə yerində olan əməkdaşının verdiyi məlumata görə, sakinlər evlərinin sökülməsi müqabilində onlara təklif edilən hər kvadratmetrə görə 1500 manata etiraz edirlər. "Biz 1500 manatla heç bir yerdə ev ala bilmərik, evlərin qiyməti günü-gündən bahalaşır".

Aksiya iştirakçıları bildiriblər ki, 173 saylı məktəbin qarşısında Bakı şəhər İcra Hakimiyyətinin başçısı Hacıbala Abutalıbovla görüşmək üçün toplaşıblar. 

Aksiya keçirilən əraziyə çox sayda polis əməkdaşı cəlb edilib. Hətta Nərimanov prospektinin bir hissəsi bağlanılıb.