15.09.2021 – ci il tarixdə Sumqayıt Regional Mədəniyyət İdarəsinin Zəngilan rayon Nümayəndəliyi və Mincivan qəsəbə Uşaq Musiqi Məktəbinin təşəbbüsü ilə Aprel Şəhidi Müşviq Arif oğlu Orucovun ailəsinə baş çəkilib.
Müəssisənin kollektivi şəhidimizin ailəsi ilə bərabər Müşviqi yad edib, onun keçdiyi şərəfli yola nəzər salıblar.
Müşviq Orucov 1994-cü ildə Bakıda anadan olub. O, 7 nömrəli Zəngilan rayon məktəbində orta təhsilə başlayıb. Şəhid Müşfiq Azərbaycan Texniki Universitetinin avtomatika və kompyuter texnikası fakültəsinə qəbul olub. Universiteti bitirdikdən sonra Naftalan şəhərində hərbi xidmətə yollanıb. 2016-cı il aprelin 5-də Tərtərdə döyüşlərində qəhrəmancasına şəhidlik məqamına ucalıb.
Müşfiq Orucov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamı ilə "Vətən uğrunda" medalı ilə təltif olunub.
Xəbərdən istifadə edərkən istinad etmək vacibdir.
