"Həmrəy” Gənclərin Maarifləndirilməsinə Dəstək İctimai Birliyi "təhsil layihəsi”nə start verdi. Gənclərin maarifləndirilməsinə dəstək vermək üçün "Həmrəy Təhsil Mərkəzi”nin açılışın etdi. Tədbirdə ictimaiyyət nümayəndələri, valideynlər, müəllimlər, tələbələr, şagirdlər və digər şəxslər iştirak etmişlər. 
Azərbaycan Respublikasının Dövlət Himninin ilə açılan mərasimdə giriş sözü ilə çıxış edən layihənin rəhbəri t.ü.f.d. Elvin Əliyev iştirakçılara "Təhsil Mərkəzi” haqqında ətraflı məlumat verdi. Bu layihənin "31 dekabr - Dünya azərbaycanlılarının həmrəyliyi günü” ərəfəsində gənclərə yeni imkanlar açdığını, onların burada "Həmrəy” olmaqları, öz ideyalarının müzakirə etmələri və reallaşdırmaları üçün şəraitin yaradıldığını bildirdi. 
Sonra "Həmrəy” GMDİB-nin sədri Yəhya Babanlı İctimai Birliyin həyata keçirdiyi tədbirlər barədə söz açdı. Azərbaycan Respublikasında yaşayan gənclərin həmrəyliyinə nail olmaqla onların maarifləndirilməsinə kömək etmək məqsədilə belə layihələrin davamlı olacağın qeyd etdi. Bildirdi ki, "Həmrəy” öz nizamnaməsinə uyğun olaraq gənclərin hərhərəfli inkişafı üçün davamlı layihələr həyata keçirir. Təhsil Mərkəzini açmaqda başlıca məqsəd gənclərin savadlı, dünyagörüşlü, müasir düşüncəli və yüksək intellektli aparıcı qüvvəyə çevrilməsinə, onların vətənpərvərlik ruhunda inkişafına, onlarda humanizm və tolerantlıq, ləyaqətlilik və mübarizlik kimi vicdani və əxlaqi keyfiyyətlərin formalaşmasına töhfə verməkdir. Bu Mərkəzdə sadalanan amilləri gerçəkləşdirmək məqsədilə kurslar, seminarlar, təlimlər və s. tədbirlər həyata keçiriləçəkdir. Gənclərin cəmiyyətimiz üçün faydalı olan ideyalarının reallaşdırması üçün şərait yaradılacaqdır. Bir sözlə, Mərkəz gənclərə açıqdır.
Daha sonra tədbirdə partnyor qismində iştirak edən "Biləv” Şirkətinin direktoru, Azərbaycan Dövlət Neft Akademiyası nəzdində fəaliyyət göstərən Lukoyl Neft Şirkətinin Mərkəzləşdirilmiş Kimyəvi analiz laboratoriyasının müdiri t.e.d., dos. Fariz Əmirov bu missiyanın gənclər üçün əhəmiyyətini vurğulayaraq öz təbrikini və arzularını çatdırdı. 
Təhsil Mərkəzinin digər bir partnyoru "Ada Mental” kurslarının direktoru Səmra Fidanboy Mental-Aritmetik (Əqli hesab) layihəsinin mahiyyəti iştirakçılara izah etdi.
Sonda xatirə şəkli çəkdirilmiş və mərasim bədii hissə ilə davam etdirilmişdir.

/ora.az/