Sumqayıt Regional Mədəniyyət İdarəsinə tabeli Qubadlı rayon Tarix Diyarşünaslıq muzeyində 44 günlük Vətən müharibəsi şəhidlərinin xatirəsinə həsr olunan sərgi açılıb.
Sərgidə Vətən müharibəsi dövründə canlarını fəda edən əslən Qubadlı rayonundan olan şəhidlərimizin foto , tərcümeyi halları , döyüş yolu təsvir olunan foto- stend , şəhidlərə və vətənpərvərliyə həsr olunan kitablardan ibarət sərgi təşkil edilib.
Sərgi müntəzəm şəkildə ziyarət edilir. Açılış mərasimində Vətənimizin bütövlüyü uğrunda canından keçən Şəhidlərimizin ailə üzvləri və Qubadlı rayon ziyalıları, ağsaqqalları, məktəblilər şəhidlərimiz haqqında hazırlanan sərgi ilə tanış olublar.
Çıxışlarda şəhidlərin ruhuna göstərilən ehtiramdan danışılıb, onların cəsarətlərinin və qorxmazlıqlarının unudulmayacağı söylənilib.
Şəhid ailələri isə övladları ilə bağlı xatirələrini bölüşüblər.
Sonda sərgiyə baxış keçirilib.
Xəbərdən istifadə edərkən istinad etmək vacibdir.
