Sumqayıt şəhər
Gənclər və İdman Baş İdarəsi və şəhər Təhsil Şöbəsi nəznində Gənc Müəllimlər
Şurasının birgə təşkilatçılığı ilə 27 oktyabr 2021-ci il tarixində Heydər Əliyev
Mərkəzində mövcud pandemiya qaydalarına uyğun olaraq "2021- ci il Nizami Gəncəvi
ili” nə həsr edilmiş "Nə?, Harada?, Nə zaman? formatında intellektual oyun
keçirildi.
İntellektual
oyunun keçirilməsində məqsəd "Azərbaycan gəncliyi 2017-2021-ci illərdə” Dövlət
Proqramının prioritet istiqamətləri üzrə gənclərin daha geniş kütləsinin
intellektual faəliyyətə cəlb olunması, onlar arasında sağlam elmi rəqabət
mühitinin yaradılması, Azərbaycanın milli-mədəni irsi və zəfər tarixi haqqında
maarifləndirilməsi və asudə vaxtın səmərəli təşkilidir.
İntellektual
oyunda şəhərin müxtəlif məktəblərini təmsil edən gənc müəllimlərdən ibarət səkkiz
komanda öz bilik və bacarıqlarını nümayiş etdirmiş, gərgin və maraqlı keçən
yarışmanın sonunda I yeri 42 saylı, II yeri 15 saylı, III yeri isə 31 saylı məktəbin
komandaları tutmuşdur.
Sonda qalib
komandalar Baş idarənin kubok, medal, hədiyyə və fəxri fərmanları ilə təltif
edilmişdir.
Xəbərdən istifadə edərkən istinad etmək vacibdir.