Məktəbin nümayəndələri ailənin qayğıları və ehtiyyacları ilə maraqlanıb, övladlarını birlikdə yad ediblər.

Orxan Əliyev 19 dekabr 1991-ci ildə Xəzər rayonu Şağan qəsəbəsində dünyaya göz açıb. İlk təhsilə 124 nömrəli Şağan orta məktəbində başlayıb. 2010-cu ildə Goranboyda hərbi xidmətə yollanıb. Şəhid Orxan da bir çox qəhrəman oğullarımız kimi 27 sentyabr 2020-ci ildə İkinci Qarabağ müharibəsinə könüllü olaraq qatılıb. Azərbaycan Ordusunun əsgəri olan Orxan 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Ağdərə istiqamətində gedən döyüşlərdə savaşıb. O.Əliyev oktyabrın 16-da Tərtər-Ağdərə-Suqovuşan uğrunda gedən döyüşlərdə şəhidlik məqamına ucalıb. Xəzər rayonunun Şağan qəsəbəsində dəfn olunub.

Hərbi hissə qarşısında qoyulan tağşırıqların icrası zamanı vəzifə borcunu şərəflə yerinə yetirdiyinə görə ölümündən sonra Azərbaycan Respublikasının Prezidenti cənab İlham Əliyevin Sərancamına əsasən "Vətən uğrunda", "Suqovuşanın azad edilməsi uğrunda" medalları ilə təltif olunub.

Allah bütün şəhidlərimizə rəhmət eləsin!