Böyük Qələbə ilə başa çatan 44 günlük Vətən müharibəsində şəhidlik zirvəsinə ucalan şəhidimiz Azərbaycan Silahlı qüvvələrinin əsgəri Bəktiyev Müşfiq Abbas oğlunun anım günüdür. Bəktiyev Müşfiq 24.01.2002-ci il də dünyaya gəlmiş, 2-ci Qarabağ müharibəsi zamanı Füzuli,Cəbrayıl ve Xocavənd döyüşlərində iştirak etmiş və   Xocavənd uğrunda gedən döyüşlərdə qəhrəmancasına vuruşaraq 29.10.2020- ci il tarixində şəhid olmuş, Sumqayıt Şəhidlər xiyabanında dəfn olunmuşdur.
Bəktiyev Müşfiq Abbas oğlu ön cəbhəyə könüllü  gedərək son nəfəsinə kimi torpaqlarımızın azad olunması uğrunda şücaət gösdərərək,döyüş bölgəsində düşməni hədəfində tutmuş və bir çox erməni əsgərini məfh edərək Şəhidlik zirvəsinə ucalmışdır. Şəhidimizi böyük qürur və ehtiram hissi ilə yad edirik.
Azərbaycan Prezidenti İlham Əliyevin Sərəncamına əsasən Bəktiyev Müşfiq ölümündən sonra "Vətən uğrunda” medalı və "Xocavəndin azad olunmasına görə” medalları ilə təltif olunub.
Millət vəkili Hicran Hüseynovanın nümayəndəsi Sumqayıt şəhər Şəhidlər Xiyabanına gedərək şəhidimiz Bəktiyev Müşfiq Abbas oğlunun məzarı üzrə gül dəstələri düzərək şəhidin xatirəsini yad edib,şəhidimizin ailəsi ilə əlaqə saxlıyaraq dərin hüzünlə baş sağlığını verdiyini şəhidimizlə qürur duyulduğunu bildirərək hər zaman lazım olan qayğı və dəstəyi bundan sonra da ailəyə gösdərəcəklərini bildiriblər.
Millət vəkili Hicran Hüseynova şəhidimizə Allahdan rəhmət diləyir,ruhu qarşısında qürur və ehtiram hissi ilə baş əydiyini bildirib. Həmçinin şəhidimizin ailəsinə dərin hüzünlə baş sağlığı verdiyini və şəhidimizlə bütün Azərbaycanın qürur duyduğunu bildirir. Bugünümüzü onlara borcluyuq, şəhid və qazi ailələrinin hər zaman yanında olacaqlarını bildiriblər.