Sumqayıtda ictimai nəqliyyatda ödəniş kartlarında yaranan problemlərin həll edilməsi istiqamətində bütün mümkün addımlar atılıb və problem öz həllini tapmaq üzrədir.
Bu barədə Xeberle.com-a "Sumqayıt Nəqliyyat -1" MMC-dən bildiriblər. Qeyd olunub ki, artıq kartın balansı ödəmə aparatında artırıldıqdan 30 saniyə sonra pul kart hesabına oturulur. Vurğulanıb ki, vətəndaşlar Sumqayıtda "Azərpoçt"un mərkəzi şöbəsindən kart əldə edə bilərlər. Oradan alınan kartların balansını artırmaq lazım gəldikdə isə bu proses istənilən poçt şöbəsində həyata keçirilə bilər: "Yaxın zamanlarda isə dayanacaqlarda "Azərpoçt"un ödəniş terminalları quraşdırılacaq.Vətəndaşlar bu terminallar vasitəsi ilə kartın balansını artırmaqla yanaşı, hesabda qalan məbləği də görə biləcəklər.
Xəbərdən istifadə edərkən istinad etmək vacibdir.
