Böyük Qələbə ilə başa çatan 44 günlük Vətən müharibəsində şəhidlik zirvəsinə ucalan şəhidimiz Azərbaycan Silahlı Qüvvələrinin mayoru Kərimov Taleh Adil oğlunun anım günüdür. Kərimov Taleh 06.03.1985-ci il də dünyaya gəlmiş, 2-ci Qarabağ müharibəsində 30.10.2020- ci ildə qəhrəmancasına vuruşaraq şəhid olmuşdur.
Taleh Kərimov 2016-cı ilin 2–5 aprelində baş verən Aprel döyüşlərində də iştirak etmişdir. Taleh Kərimov 2020-ci ilin sentyabrında başlanan Vətən müharibəsində Cəbrayıl, Füzuli və Qubadlıda gedən döyüşlərdə savaşıb, oktyabrın 30-da isə Qubadlı rayonunun azadlığı uğrunda gedən döyüşlərdə şəhid olmuşdur. Sumqayıt Şəhidlər Xiyabanında dəfn olunmuşdur.
Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Taleh Kərimov ölümündən sonra "Qarabağ" ordeni ilə təltif edilmişdir.
Taleh Kərimov ölümündən sonra Azərbaycan Prezidenti İlham Əliyevin 15.12.2020-ci il tarixli Sərəncamına əsasən "Vətən uörunda"medalı, 29.12.2020-ci il tarixli Sərəncamına əsasən isə "Qubadlının azad olunmasına görə" medalı ilə təltif edilib.
Milli Məclisin deputatı Hicran Hüseynova şəhidimiz Kərimov Taleh Adil oğlunun Sumqayıt Şəhidlər Xiyabanında anım günündə iştirak edib,məzarına gül dəstələri düzərək əziz xatirəsini yad edib. Şəhidimizin ailəsinə dərin hüzünlə baş sağlığı verib, şəhidimizlə bütün Azərbaycanın qürur duyduğunu, fəxr hissi ilə daima anıldığını qeyd edərək, hər zaman lazım olan qayğını və dəstəyi bundan sonra da ailəyə gösdərəcəklərini bildiriblər.
Dövlət başçımızın və Birinci vitse-prezident Mehriban xanım Əliyevanın hər zaman şəhid ailələri,qazilərimizə xüsusi diqqət və qayğı göstərdiklərini bildiriblər.
Millət vəkili Hicran Hüseynova şəhidimizə Allahdan rəhmət diləyir,ruhu qarşısında qürur və ehtiram hissi ilə baş əydiyini bildirib.
Bugünümüzü onlara borcluyuq, şəhid və qazi ailələrinin hər zaman yanında olacaqlarını bildiriblər.
Xəbərdən istifadə edərkən istinad etmək vacibdir.