Sumqayıt Ağır Cinayətlər Məhkəməsində Ə. Ağabalazadənin cinayət işi üzrə hazırlıq iclası keçirilib.
Xeberle.com xəbər verir ki, Ə. Ağabalazadə Cinayət Məcəlləsinin 234.4.1, 234.2 və 234.4.3-cü maddələri ilə (Satış məqsədi ilə qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə, saxlama, hazırlama, emal etmə, daşıma və satma) təqsirləndirilən şəxs qismində cəlb edilərək ona qeyd olunan maddə üzrə ittiham elan edilib və iş baxııması üçün Sumqayıt Ağır Cinayətlər Məhkəməsinə göndərilib.
Məhkəmə hazırlıq iclası zamanı təqsirləndirilən şəxsin vəkili Sumqayıt Regional Vəkil Bürosunun vəkili Elşad İsayevin ibtidai istintaq zamanı kobud qanun pozuntularına yol verilməsi, müdafiə hüququnun kobud şəkildə pozulması təqsirlındirilən şəxsin qanunsuz olaraq saxlanılarkən işgəncələrə məruz qalması barədə vəsatəti məhkəmə tərəfindən təmin edilib.
Məhkəmə cinayət işinin icraatına xitam verib, cinayət işi ibtidai istintaqa prossesual nəzarəti həyata keçirən prokurora qaytarılıb. Bundan başqa kobud qanun pozuntusuna yol verdiyi üçün istintaqı aparan müstəntiq barəsində xüsusi qərar qəbul edilərək Daxili İşlər Nazirliyinə göndərilib və təqsirləndirilən şəxs saxlanılarkən polis bölməsində işgəncələrə məruz qaldığından işgəncə faktı ilə bağlı qərar qəbul edilərək araşdırııması üçün Respublika prokurorluğuna göndərilib.
Qeyd edək ki, təqsirləndirilən şəxs Vətən müharibəsinin iştirakçısıdır, Ağdərə, Tərtər, Suqovuşan uğrunda aparılan döyüş əməliyyatlarında iştirak etmişdir.
Xəbərdən istifadə edərkən istinad etmək vacibdir.
