Sumqayıt Regional Mədəniyyət İdarəsinə tabe olan Xızı rayon Yeni Yaşma kənd klubunun Rəsm kursunun müəllimi Ramin bəy və şagirdləri 2012-ci ildə şəhid olan qəhrəmanımız Vaqif Zakir oğlu Abdullayevin ailəsini ziyarət ediblər, ailənin qayğıları ilə maraqlanıb, onlarla həmsöhbət olublar. Daha sonra Şəhidlərin abidəsini ziyarət edərək gül dəstələri qoyulmuşdur.
Şəhid Leytenant Vaqif Zakir oğlu Abdullayev 1988-ci ildə Rusiya Federasiyasının Həştərxan vilayətində anadan olub.
1995-ci ildə Xızı rayonunun Yeni Yaşma kənd tam orta məktəbində təhsil alıb.
Ata və anasının razılığını alan Vaqif 2006-cı ildə Azərbaycan Respublikası Ali Hərbi məktəbinə sənədlərini təqdim edib və qəbul olub.
Vaqif Abdullayev kursant olduğu vaxtlarda hər zaman nümunəvi kursant kimi tanınaraq, 2010-cu ildə Leytenant rütbəsi alıb. 2010-cu ildə TTM Təlim Tədris Mərkəzində 1 il Təlim keçib.
Rayonlarımızda bir çox hərbi hissələrinin təlimlərində iştirak edib. 2011-ci ildə Beyləqan rayonunda hərbi vəzifəsini icra edib, daha sonra Ağdam rayonuna təyinatı verilib.
Ağdam rayonunun N saylı hərbi hissəsində 2012-ci il aprelin 26-da gedən atışma da düşmən tərəfindən açılan güllə ilə Vaqif Abdullayev 4 güllə yarası alaraq şəhadətə yüksəlib.
Azərbaycan Respublikasının Silahlı Qüvvələrinin Quru Qoşunlarında xidmət edib. Ölümündən sonra Azərbaycan Respublikasının Prezidenti cənab İlham Əliyevin Sərancamına əsasən Vaqif Abdullayev Hərbi xidmətdə fərqlənməyə görə medalı ilə təltif olunub. Ailəlidir bir oğlu var.
Xəbərdən istifadə edərkən istinad etmək vacibdir.