Sumqayıt Regional Mədəniyyət İdarəsinə tabe olan Nəriman Nərimanov adına Mədəniyyət Mərkəzinin, C.Cabbarlı adına mədəniyyət evinin kollektivi Vətən müharibəsi şəhidi Rauf Məhərrəm oğlu İbadovun ailəsini ziyarət edib.
Xeberle.com xəbər verir ki, Vətən müharibəsi başladığı ilk gündən döyüşlərə qatılan şəhidimiz Cəbrayıl, Fizuli, Hadrut, Qubadlı rayonu istiqamətində gedən döyüşlərdə göstərdiyi şücaətə görə manqa komandiri təyin edilib. Oktyabrın 23-də Laçın dəhlizi ərazisində gedən döyüşlərdə sona qədər düşmənlə vuruşaraq qəhrəmancasına şəhid olub.
Rauf İbadov 30 oktyabr 2020-ci il tarixində Abşeron rayon Saray qəsəbəsində yerləşən Şəhidlər Xiyabanında dəfn olunub. Ölümündən sonra göstərdiyi qəhrəmanlığa görə "Vətən uğrunda”, ”Cəbrayılın azad olunmasına görə” medalları ilə təltif olunub.
C.Cabbarlı adına mədəniyyət evinin kollektivi şəhidin ailəsinə maddi-mənəvi dəstək göstərib.
Allah şəhidlərimizə rəhmət eləsin!
Xəbərdən istifadə edərkən istinad etmək vacibdir.