"Müəllimlərin İşə Qəbul müsabiqəsinin test imtahanları ilə bağlı hazırda bir neçə mərhələnin keçirilməsi nəzərdə tutulmur”.
Xeberle.com xəbər verir ki, bunu "Müəllimlərin işə qəbulu və yerdəyişməsi qaydalarında yeniliklər" mövzusunda keçirilən onlayn brifinqdə Təhsil Nazirliyinin İnsan resursları şöbəsinin müdiri Eşqi Bağırov bildirib. Onun sözlərinə görə, lakin vakansiya seçimi 2 mərhələdə olacaq:
"İlk növbədə şəhid ailəsi üzvü olan namizədlər üçün imkan yaradılacaq, daha sonra isə vakansiya seçimi hər kəs üçün açıq elan ediləcək”.
E. Bağırov bağçaya müəllimlərin işə qəbulu məsələsinə də aydınlıq gətirib. O deyib ki, bununla bağlı mexanizm hazırlanır: "Bu barədə məlumatlar ictimaiyyətə təqdim olunacaq. Bu istiqamət üzrə işə qəbul ən obyektiv və ədalətli formada həyata keçirmək nəzərdə tutulur”.
Xəbərdən istifadə edərkən istinad etmək vacibdir.
