Fevralın 24-də Sumqayıt Regional Mədəniyyət İdarəsinə tabe olan Qubadlı şəhər Ə.Mehdiyev adına uşaq musiqi məktəbində Xocalı soyqırımının ildönümünə həsr olunan anım günü keçirilib. Tədbirdən öncə məktəbin müəllim kollektivi Sumqayıt şəhidlər xiyabanında Xocalı abidəsini ziyarət ediblər. Şəhidlərimizin xatirəsi bir dəqiqəlik sükutla yad edildikdən sonra çıxış edənlər Xocalı faciəsi haqqında iştirakçılara məlumat veriblər. Xocalı soyqırımına həsr olunan şeirlər söylənib, məktəbin tar müəllimi E.Sadıqovun ifasında muğam, xanəndə şöbəsinin şagirdi M.Əliyevin ifasında "Sarı gəlin” mahnısı və məktəbin xor kollektivinin çıxışı dinlənilib.
Tədbirin sonunda Qubadlı şəhər Mərkəzi kitabxana sisteminin direktoru və Sumqayıt Regional Mədəniyyət İdarəsinin məsləhətçisi Bayram Cəfərli çıxış ediblər.
Xəbərdən istifadə edərkən istinad etmək vacibdir.