Martın 17-də Sumqayıt Regional Mədəniyyət İdarəsinə tabe olan Zəngilan rayon Mincivan qəsəbə uşaq musiqi məktəbinin əməkdaşları və Mədəniyyət İşçiləri Həmkarlar İttifaqı Zəngilan rayon komitəsinin sədri Şamama Paşayeva Vətən müharibəsi şəhidi Fariz Şəmil oğlu Səfərovun ailəsini ziyarət ediblər.
Görüş zamanı ailəsi şəhid haqqında xatirələrini bölüşüb, keçdiyi döyüş yolu haqqında danışıb.
F.Səfərov 13 noyabr 1981-ci ildə Zəngilan rayonunun Şayıflı kəndində anadan olub. Vətən müharibəsi zamanı Xocavənd ərazisində gedən döyüşlərdə böyük şücaət göstərərək şəhid olub. Şəhidimiz ailəli olub, dörd övladı yadigar qalıb. Bakı şəhəri Ramana kənd qəbirstanlığında dəfn edilib.
Şəhidin ailəsinə əməkdaşlar tərəfindən maddi və mənəvi dəstək göstərilib.
Xəbərdən istifadə edərkən istinad etmək vacibdir.