Yoluxanların sayında kəskin azalma müşahidə olunduğu üçün bütün növ resursların optimallaşdırılması və səmərəli tətbiqi məqsədilə bəzi pandemiya müəssisələrinin, o cümlədən modul tipli xəstəxanaların fəaliyyəti dayandırılıb.
Bəs fəaliyyətini dayandıran modul tipli xəstəxanalar bundan sonra hansı məqsədlə istifadə olunacaq?
Milli Məclisin Sosial siyasət komitəsinin sədri Musa Quliyev açıqlamasında bildirib ki, modul tipli xəstəxanalar Dövlət Ehtiyatlar Agentliyinin balansına veriləcək:
"Modul tipli xəstəxanalar cənab Prezidentin nəzarəti ilə ölkəyə gətirildi. Pandemiyanın pik dövründə insanlarımız müalicə almaq üçün stasionar imkanlardan istifadə edə bildilər. Arzu edək ki, pandemiya yenidən geri qayıtmasın. İnsan və cəmiyyətin həyatı neqativ hadisələrdən sığortalanmayıb. Fövqaladə hadisələr baş verərsə, modul tipli xəstəxanalar bizə lazım ola bilər. Modul tipli xəstəxanalar Dövlət Ehtiyatlar Agentliyinin balansına veriləcək və lazım olarsa istifadə olunacaq. Ciddi zərurətimiz olmasın, amma ehtiyatımızda olsun".
Komitə sədrinin sözlərinə görə, bu xəsətxanalarla hərbi hosbitallarımızın sayını artıra bilərik:
"Sərhəddə yaxın yerdə də yerləşdirilə bilər. İşğaldan azad olunan rayonlarımızda xəstəxana və ya sanitar hərbi hissələr kimi istifadə edə bilərik. Ümid edək ki, ehtiyacımız olmaz".
Xəbərdən istifadə edərkən istinad etmək vacibdir.
