Sumqayıtda tələbələr ilə "İnsan alveri və qadın zorakılığına qarşı mübarizə” mövzusunda görüş keçirilib
Sumqayıt şəhər Gənclər və İdman Baş İdarəsinin, Qadın Resurs Mərkəzinin və Tibb Kollecinin birgə təşkilatçılığı ilə kollecin tələbələri arasında "İnsan alveri və qadın zorakılığına qarşı mübarizə” mövzusunda maarifləndirici görüş keçirilmişdir.
Tədbirin keçirilməsində məqsəd ictimaiyyətin diqqətini insan alveri və qadın zorakılığı probleminə yönəltmək, insan hüquqları, xüsusilə də qadın hüquqlarının müdafiəsi istiqamətində gəncləri bilgiləndirməkdir. Çıxış edən qonaqlar vətəndaş cəmiyyətində zorakılığa qarşı ilk növbədə ailələrdə və ümumtəhsil məktəblərində maariflənmə işlərinin aparılmasının və gələcəyin sağlam ailəsinin təməlinin bu gün yetişməkdə olan sağlam dünyagörüşlü gənclər olduğunu vurğulamış, bunun üçün psixoloqların və valideynlərin daim əlaqəli işləməsinin vacibliyini qeyd etmişlər. Tədbirdə zorakılığa məruz qalmış qadınların mövcud vəziyyətdən çıxış yollarına dair fikirlər dinlənilmiş, gəncləri maraqlandıran suallar cavablandırılmışdır.
Xəbərdən istifadə edərkən istinad etmək vacibdir.
