Bu gün Sumqayıtın Tarixi Muzeyində Azərbaycan Respublikasının Prezidenti yanında Bilik Fondunun xətti ilə mühazirə təşkil olunub. Fondun Sumqayıt şəhəri üzrə nümayəndəsi, 22 nömrəli tam orta məktəbin direktoru Tahirə Səfərova mühazirədə iştirak edən dinləyicilərə Bilik Fondu haqqında ətraflı məlumat verib. O, Bilik Fondunun mühazirəçisi, Sumqayıt Şəhər Təhsil Şöbəsinin metodisti Əlhəddin Paşayevi dinləyicilərə təqdim edib.
Ə.Paşayev "Müstəqillik qazandıqdan sonra Azərbaycan Respublikasında təhsil siyasətini əks etdirən sənədlər” mövzusunda təqdimat və mühazirə ilə çıxış edib.O, mühazirəsində Azərbaycan Respublikasının təhsil sahəsində islahat proqramı, Azərbaycan Respublikasında ümumi təhsilin Konsepsiyası, Ümumi təhsil pilləsinin dövlət standartları və proqramları, Təhsil haqqında Azərbaycan Respublikasının Qanunu və Bilik Fondunun Nizamnaməsinə uyğun olaraq, gənc nəslə Azərbaycançılıq məfkurəsinin mahiyyətinin çatdırılmasını, hər bir şagirdin müassir standartlara uyğun biliklərə yiyələnməsini əks etdirən sənədlərə dair slaydlar göstərib. Ə. Paşayev mühazirəsini dinləyicilərin marağına uyğun olaraq diskussiya formasında aparıb.Tədbirə Sumqayıt şəhərinin ümumtəhsil məktəblərinin 4-cü siniflərində dərs deyən ibtidai sinif müəllimləri dəvət olunublar. Mühazirə müəllimlər tərəfindən diqqətlə dinlənilib və sonda dinləyiciləri maraqlandıran suallara aydınlıq gətirilib.Tədbir iştirakçıları Bilik Fondunun maarifçilik fəaliyyətini yüksək qiymətləndirib və belə mühazirələrin tez-tez təşkil olunmasının tərəfdarı olduqlarını bildiriblər. 
Xeberle.com